Dhambi linaweza kufafanuliwa kwa njia mbili: kugeuka mbali na amri ya Allah, au kutenda kitendo kilichokatazwa. Allah ~ aliwajaribu baba wa majini na baba wa wanadamu kwa kutenda dhambi hizi mbili, ambazo zimegawanywa katika aina nne: (1) Dhambi za kifalme: mtu anapojipachika baadhi ya sifa za kimungu, kama vile ukuu, kiburi, uwezo wa kila kitu, kutawala, kuwa juu, kutukuka, n.k., anaangukia katika shirki, kwa kumshirikisha Allah ~. Aina hii ndiyo dhambi kubwa kuliko zote, kwa sababu mtu anajaribu kushindana na Allah katika Sifa Zake na Utawala Wake, jambo ambalo haliwezi kusamehewa. Allah ~ amesema: (Hakika Allah hasamehe kumshirikisha Yeye (katika ibada), lakini Anasamehe (kitu kingine chochote) isipokuwa kwa Anayemtaka, na anayemshirikisha Allah katika ibada, basi amezua dhambi kubwa mno) 1 (2) Dhambi za kishetani: mtu anapomwiga shetani kwa sifa zake, kama vile husuda, dhulma, udanganyifu, usaliti, kuamrisha maovu, kukataza mema, kuzua uzushi katika dini, kuwaalika watu kupotoka. (3) Dhambi za kiwindaji: mtu anapokuwa dhalimu na kuwatendea vibaya watu wengine dhaifu, akiwasababishia madhara na mateso. (4) Dhambi za kinyama: mtu anapotawaliwa na tamaa ya matamanio ya mwili, ambayo huongoza kwenye uzinzi na uchafu. Aina hii ya dhambi ndiyo iliyoenea zaidi miongoni mwa watu kwa sababu hawawezi kujipachika sifa hizo za kifalme au za kiwindaji. Hata hivyo, ni kupitia aina hii ndipo wanapolenga kupata kutambuliwa kwa kuwa na sifa hizo nyingine, kuanzia za kiwindaji hadi za kishetani, na kisha hata kujaribu kushindana na Allah ~ katika Uungu Wake na Umoja Wake.