A--- Na farko: Babban Munafunci:

A--- First: the Major Hypocrisy:

Allah Mai Girma yana cewa: {Lalle munafukai suna neman yaudarar Allah, alhali kuwa Shi ne Yake yaudarar su. Idan suka tashi zuwa Salla, sai su tashi cikin kasala, suna nuna wa mutane, kuma ba sa ambaton Allah sai kadan. Suna cikin rawar jiki tsakanin wannan da wancan, ba na waɗannan ba, ba na waɗancan ba; kuma wanda Allah ya ɓatar, ba za ka sami wata hanya gare shi ba (zuwa ga gaskiya – Musulunci). Ya ku waɗanda suka yi imani! Kada ku riƙi kafirai a matsayin Auliya' (masoya ko masu taimako ko abokai) maimakon muminai. Shin kuna son ku ba Allah hujja bayyananniya a kan kanku? Lalle munafukai za su kasance a cikin zurfin ƙasa na Wuta; ba za ka sami wani mai taimako a gare su ba}. (An-Nisa'i, 142-145)

Allah the Almighty says: {Verily, the hypocrites seek to deceive Allah, but it is He Who deceives them. And when they stand up for As-Salat (the Prayer), they stand with laziness and to be seen of men, and they do not remember Allah but little. (They are)swaying between this and that, belonging neither to these nor to those; and he whom Allah sends astray, you will not find for him a way (to the truth -Islam). 0 you who believe! Take not for Auliya' (protectors or helpers or friends) disbelievers instead of believers. Do you wish to offer Allah a manifest proof against yourselves? Verily, the hypocrites will be in the lowest depth (grade) of the Fire; no helper will you find for them}. (An-Nisa', 142-145)

Allah Maɗaukakin ya ce: {Idan munafukai suka zo wurinka (ya Muhammad ﷺ), suna cewa: "Muna shaida cewa lalle kai Manzon Allah ne." Allah ya san cewa lalle kai Manzonsa ne, kuma Allah yana shaida cewa munafukai maƙaryata ne lalle}. (Al-Munafiqun, 1)

Allah the Almighty says: {When the hypocrites come to you (O Muhammad (Peace be upon him), they say: "We bear witness that you are indeed the Messenger of Allah." Allah knows that you are indeed His Messenger, and Allah bears witness that the hypocrites are liars indeed}. (Al-Munafiqun, 1)

Na biyu: Munafunci Ƙarami:

Second: the Minor Hypocrisy:

An rawaito daga Abu Hurairah (Allah ya yarda da shi) cewa Manzon Allah ﷺ ya ce: "Alamomin munafiki guda uku ne: idan ya yi magana sai ya yi karya, idan ya yi alkawari sai ya saba, kuma idan aka amince da shi sai ya ci amana." (Bukhari da Muslim)

It is reported on the authority of Abu Hurairah (May Allah be pleased with him) that Allah's Messenger (Peace be upon him) says: "Three are the signs of a hypocrite: when he spoke he told a lie, when he made a promise he broke it, and when he was trusted he betrayed.” (Bukhari and Muslim)

An ruwaito daga 'Abdullahi ɗan 'Amr (Allah ya yarda da su duka biyun): Annabi ﷺ ya ce: "Duk wanda yake da waɗannan abubuwa guda huɗu, to zai zama munafiki tsantsa, kuma duk wanda yake da ɗaya daga cikin waɗannan abubuwa guda huɗu, to zai kasance yana da wani sashe na munafunci har sai ya bar shi: (a) Idan aka amince masa da wani abu, sai ya ci amana (ya nuna rashin gaskiya). (b) Idan ya yi magana, sai ya yi ƙarya. (c) Idan ya yi alkawari, sai ya yi cin amana. (d) Idan ya yi faɗa, sai ya nuna mugun hali, rashin hankali da zagi sosai." (Bukhari da Muslim)

Narrated' Abdullah Ibn 'Amr (May Allah be pleased with them both): the Prophet (Peace be upon him) says: "Whoever has the following four (characteristics) will be a pure hypocrite and whoever has one of the following four characteristics will have one characteristic of hypocrisy unless and until he gives it up: (a) Whenever he is entrusted, he betrays (proves dishonest). (b) Whenever he speaks, he tells a lie. (c) Whenever he makes a covenant, he proves treacherous. (d) Whenever he quarrels, he behaves in a very imprudent, evil and insulting manner." (Bukhari and Muslim)