15.3 گناہ میں کوئی اطاعت نہیں
15.3 No obedience in sin
ایک معاملہ جس میں حکمران کی اطاعت کی ذمہ داری سے مستثنیٰ کیا گیا ہے، وہ یہ ہے کہ جب وہ گناہ کا حکم دے۔ اس استثنیٰ کی تائید نصوص سے ہوئی ہے۔ نافعؒ نے ابن عمرؓ سے روایت کیا ہے کہ رسول اللہ ﷺ نے فرمایا: "مسلم پر یہ لازم ہے کہ وہ (حکمران کی بات) سنے اور اطاعت کرے، خواہ اسے پسند ہو یا نہ ہو، سوائے اس کے کہ اسے گناہ کا کام کرنے کا حکم دیا جائے۔ اگر اسے گناہ کا کام کرنے کا حکم دیا جائے، تو مسلم نہ سنے اور نہ ہی اطاعت کرے۔" [رواہ مسلم] یہاں جس موضوع پر بات کی جا رہی ہے وہ حکمران کا کسی مسلم کو گناہ کرنے کا حکم دینے کا معاملہ ہے۔ یہ حکمران کے خود گناہگار ہونے کے مسئلے سے متعلق نہیں ہے۔ اگر حکمران آپ کو گناہ کرنے کا حکم دیے بغیر خود گناہ کرے، تب بھی آپ پر اس کی اطاعت لازم ہے۔ مسلم نے عوف بن مالک الأشجعیؒ سے روایت کیا ہے، انہوں نے کہا: "میں نے رسول اللہ ﷺ کو فرماتے ہوئے سنا: