اسلام مادی اشیاء یا جائیداد کی ملکیت کا انکار نہیں کرتا، تاہم یہ انسانوں کو یہ اختیار بھی نہیں دیتا کہ وہ اس کے حصول اور استعمال کے طریقے کا تعین کریں۔ خلافت میں زندگی مادی اشیاء کے بارے میں نظریات میں ایک نمایاں تبدیلی لائے گی۔ اسلام میں دولت خالق کی طرف سے ایک امانت ہے۔ چنانچہ صرف اللہ (سبحانہ و تعالیٰ) ہی یہ فیصلہ کرنے والا ہے کہ کیا خریدا اور بیچا جا سکتا ہے اور کیا نہیں۔ یہ آج کی صورتحال کے برعکس ہے جہاں معاشرے کے صحیح اور غلط کا فیصلہ مارکیٹ کی قوتوں اور طلب و رسد کے قوانین کے رحم و کرم پر ہے، اور جہاں کسی مصنوعہ کی تجارتی افادیت کو معاشرے پر اس کے وجود کے نتیجے میں پڑنے والے نقصان دہ اثرات پر ترجیح دی جاتی ہے۔ یہ ایک ایسی دنیا ہے جہاں کاروباری مفادات جمہوریت کے 'نگہبان فرشتوں' یعنی سیاست دانوں کی مالی معاونت کرتے ہیں یا ان پر اثر انداز ہوتے ہیں۔