ابو بشیر انصاری رضی اللہ عنہ روایت کرتے ہیں کہ وہ اللہ کے رسول ﷺ کے ساتھ بعض سفروں میں شریک تھے۔ اللہ کے رسول ﷺ نے اپنے ایک قاصد کو بھیجا، عبداللہ بن ابی بکر نے کہا: میرا خیال ہے کہ آپ ﷺ نے یہ الفاظ اس وقت فرمائے جب لوگ پڑاؤ کی جگہوں پر تھے: اونٹوں کی گردنوں میں تانت کا کوئی ہار باقی نہ رہے، یا یہ کہ ہار ٹوٹا ہوا نہ رہنے دیا جائے۔ امام مالک نے کہا: میرے نزدیک اونٹوں یا جانوروں کی گردنوں میں ہار ڈالنے کی یہ رسم اس لیے تھی کہ انہیں نظرِ بد سے بچایا جائے۔