قرآن مجید اللہ کے رسول محمد ﷺ پر اس لیے اتارا گیا تاکہ وہ اس کے ذریعے ایک ریاست قائم کریں، ایک امت وجود میں لائیں، ایک معاشرے کو منظم کریں، ذہنوں اور ضمیروں کی تربیت کریں اور اخلاقی اقدار متعین کریں۔ قرآن مجید کا مقصد یہ بھی تھا کہ وہ اُن رشتوں کو طے کرے جو مسلم امت کے اندر کارفرما ہوں، اور وہ بین الاقوامی تعلقات بھی متعین کرے جو مسلم ریاست کے ہو سکتے ہیں۔ یہ سب چیزیں مضبوطی سے ایک دوسرے سے جڑی ہوئی تھیں تاکہ ان کے تمام اجزاء ایک منسجم کُل کی صورت اختیار کریں، جو ایک ہی سرچشمے سے پھوٹے اور ایک ہی اتھارٹی کی طرف رجوع کرے۔ درحقیقت دین کی یہی نوعیت ہے، جیسا کہ خدا نے اسے متعین کیا اور جیسا کہ مسلمانوں نے اُن دنوں میں اس پر عمل کیا جب وہ واقعی سچے مسلمان تھے۔